Blogia
doveandamio

OMAGGIO AL GRAN TOTÒ

A’ LIVELLA

Poesia di Antonio de Curtis (Totò)

Ogn’anno, il due novembre, c’è l’usanza
Per i defunti andare al Cimitero.
Ognuno ll’adda fa’ chesta crianza;
Ognuno adda tenè chistu penziero.

Ogn’anno, puntualmente ,in questo giorno
Di questa triste e mesta ricorrenza,
Anch’io ci  vado, e con dei fiori adorno
Il loculo marmoreo ‘e zi’Vicenza.

St’anno m’è capitata ‘n’avventura
Dopo di aver compiuto il triste omaggio
(Madonna), si ce penzo che paura!
Ma po’facette un’anema e curaggio.

O fatto è chisto,statemi a sentire
 S’avvicenava ll’ora d’a chiusura
Io, tomo tomo stavo per uscire
Buttando un occhio a qualche sepoltura.

“QUI DORME IN PACE IL NOBILE MARQUESE
SIGNORE DI ROVIGO E DI BELLUNO
ARDIMENTOSO EROE DI MILLE IMPRESE
MORTO ‘ 11 MAGGIO DEL ‘31’’.

‘O stemma cu à curona ‘ncoppa tutto…
…sotto ‘na croce fatta ‘e lampadine;
tre mazze ‘ e rose cu ‘na lista ‘e lutto:

cannele,cannelote e sei lumine.

Proprio azzecatta ‘a  stu signore
Nce steva ’n’ata toma piccerella,
Abbandunata,senza marco un fiore;
Pe ‘segno,sulamente ‘na crucella.

E ncoppa  ‘a croce appena se ligeva:
“ESPOSITO GENARO NETURBINO”
guardannola,che penna me faceva
stu morto senza manco nu lumino!

 

Questa è la vita! ‘Ncapo a me penzavo…
chi ha avuto tanto e  chi  nun ave niente
stu povero maronna
ca pure all’atu munno era pezzente?

Mentre fantasticavo stu penziero
s’era ggià fatta mezzanotte,
e  i’ rummanette ‘nchiuso priggiuniero
muorto ‘e paura …nnanze ‘e cannelotte.

Tutto a ‘un tratto,che veco ‘a luntano?
ddoje ombre avvicenarse  ‘a parte mia…
penzaje: stu fatto a me mme pare strano…
stongo scetato…dormo, o è fantasia?

Ate che fantasia; era ‘o marchese:
c’o tubbo, ‘a caramella e c’o pastrano
chill ‘ato appriesso a isso un brutto arnese:
tutto fetente e cu ‘na scopa  manno.

E chillo certamente è  don Genaro
‘o muorto puveriello…’o scupatore.
‘int’ astu fatto i’nun ce veco chiaro
so’ muorte e se retireno a chest’ ora?

Putevano sta’ ‘a me quase ‘un palmo,
quando ‘o Marchese se fermaje  ‘e botto,
s’avota e,tomo tomo…calmo calmo
dicette a don Genaro ‘’Giovanotto!


Da voi vorrei saper,vile carogna,
con quale ardire e come avete osato
di farvi seppellir, per mia vergogna
accanto a me che sono un blasonato?


La casta è casta e va, si, rispettata,
ma voi perdeste il senso la misura
la vostra salma andava,si,inumata
ma sepellita nella spazzatura!

Ancora oltre sopportar non posso
la vuopo, vostra vicinanza puzzolente
fa d’uopo,quindi, che cerchiate un fosso
tra i vostri pari, tra la vostra gente”.

 

“Signor Marchese, nun è colpa mia,
i nun va’avesse fatto chistu tuorto;
mia moglie è stata a ffà sta fessaria
i che putevo fa’ si ero muorto?


Si fosse vivo ve farrie cuntento,
pigliasse ‘a casciulella cu ‘e qquatt’osse
e proprio mo,abbj’…’nd’a stu mumento
mme ne trasesse dinto a n’ata fossa.


“ E che cosa aspetti,oh turpe malcreato
che l’ira mia raggiunga l’eccedenza?
se io non fossi stato un titolato
avrei già dato piglio alla violenza”

“Famme vede…piglia sta violenza
‘a verità ,Marchè ‘,me so’ scucciato
‘e te senti;e si perdo ‘a pacienza
mme scordo ca so’ muorto e so’ mazzate!…

Ma chi ti credi d’essere…un ddio?
cca’, dinto ‘o vvuo capi,ca simmo eguale?
…muorto si ‘tu  e muorto so’pur ‘io
ognuno comme a n’ato è tale e qquale.


“Lurido porco…Comme ti permetti
paragonarti a me ch’ebbi natali
illustri, nobilissimi e perfetti,
da fare invidia a Principi Reali”.


“Tu qua’Natale…Pascua e Ppifania!!!
T’ ‘o vvuo mettere ‘ncapo…’’int’ ’acervella
Che staje malato ancora ‘e  fantasia?…
‘A morte ‘o ssaje ched’è…è una livella.

‘Nu rre,’nu maggistrato,’un grand’ommo,
trasseno stu canciello ha fatt’ ‘o punto
c’ha perzo tutto,’a vita e pure ‘o nomme
tu nun t’ hè fatto ancora chistu  cunto?

Perciò,stamme a senti…nun fa’ ‘o restivo
Suppuorteme  vicino,che te ‘mporta?
Sti  ppagliacciate ‘e ffano sulo ‘e vive
Nuje simmo serie…appartenimmo à morte!”

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

1 comentario

Homo -

Grande, grande, Totó.
¿Y esta publicidad? Puedes eliminarla si quieres